30 aprel 2026-cı il tarixində Azərbaycan Milli Konservatoriyasında “Sərhədləri aşan Azərbaycan muğamı” adlı beynəlxalq simpozium öz işini ikinci gün üzrə davam etdirib.
Simpoziumun ikinci günü AMK-nın Bakı zalında “Fərqli məqam repertuarları: estetika və yenilik məsələləri”, “Azərbaycan muğamı və məqamı: tarix və təcəssüm”, “Dövriyyədə olan alətlər” və “Məqamın dini və mənəvi təcrübələri” adlı sessiyalarla davam edib.
Sessiyalara Azərbaycan Milli Konservatoriyasının elm, innovasiya və yaradıcılıq məsələləri üzrə prorektoru, Əməkdar incəsənət xadimi, professor Lalə Hüseynova, Səsin Tədqiqi Elmi Laboratoriyasının rəhbəri Sevinc Sultanzadə (Aleksandriya Sultan von Brüseldorff) və SOAS London Universitetinin professoru Reyçel Harris sədrlik ediblər.
Sessiyalarda professor Lalə Hüseynova,sənətşünaslıq üzrə fəlsəfə doktoru Fəxrəddin Baxşəliyev, Əməkdar artist Bəyimxanım Vəliyeva, Azərbaycan Milli Konservatoriyasının TEC sədri, etnomusiqişünas Zeynəb Bağır, AMK nəzdində Bakı Musiqi Kollecinin müəllimi Mehman Mikayılov, Azərbaycan əsilli kanadalı xoreoqraf, York Universitetinin nümayəndəsi Saşar Zərif, Ionian Universitetinin nümayəndəsi Aleksandra Balandina, Azərbaycan Milli Konservatoriyasının müəllimi Aysu Sadıqova, elm, yaradıcılıq və beynəlxalq əlaqələr üzrə mərkəzin laborantı Kənan Sadıqov, Istanbul Şərq İnstitutunun nümayəndəsi Uill Sumits, Rusiya Federasiyası Mədəniyyət Nazirliyinin Dövlət Sənətşünaslıq İnstitutunun nümayəndəsi Gültəkin B. Şamilli (onlayn)
sessiyalarda təqdim olunan mövzular ətrafında məruzələrlə çıxış ediblər.
Simpoziumun ikinci gününün sonunda ICTMD-nin iclası və bağlanış müzakirəsi keçirilib.
“Sərhədləri aşan Azərbaycan muğamı” adlı beynəlxalq simpozium Azərbaycan Milli Konservatoriyasının TEC-in tərkibində yaradılmış, AMK tələbələrindən ibarət “ÜN” ansamblının ifasında təqdim olunan konsert proqramı ilə yekunlaşıb.
