27 may 2026-cı il tarixində Batumi şəhərində Azərbaycan Respublikasının Batumidəki Baş Konsulluğu tərəfindən 28 May – Müstəqillik Günü münasibətilə təşkil olunmuş rəsmi tədbirdə Azərbaycan Milli Konservatoriyasının Muğam (xanəndə) kafedrasının müdiri, “Şərəf” və “Şöhrət” ordenli Xalq artisti Mənsum İbrahimov və onun rəhbərlik etdiyi “Qarabağ Muğam” qrupunun üzvləri — Xalq artisti Elçin Həşimov, Əməkdar artist Elnur Əhmədov və nağara ifaçısı Siyavuş Kərimov iştirak ediblər.
Batumi Dram Teatrında keçirilən tədbir çərçivəsində təqdim olunan konsert proqramı Azərbaycan muğam sənətinin zənginliyini nümayiş etdirərək tamaşaçılar tərəfindən böyük maraq və alqışlarla qarşılanıb.
