2017-ci ilin 26-27 oktyabr tarixində Azərbaycan Milli Konservatoriyasında (AMK), Azərbaycan Respublikası Təhsil Nazirliyi və AMK-nın birgə təşkilatçılığı ilə “Qloballaşan dünyada musiqi ənənələri” mövzusunda beynəlxalq elmi konfrans keçiriləcəkdir. Konfransın açılışı 26 oktyabr saat 10:00-da keçiriləcək.
Konfransda Türkiyə, Rusiya, ABŞ, Yaponiya, Özbəkistan və Qazaxıstandan olan etno-musiqişünasların, musiqin tədrisi üzrə mütəxəsislərin, professorların, həmçinin bir sıra beynəlxalq ekspertlərin iştirakı və məruzə ilə çıxışı nəzərdə tutulur.
Konfrans çərçivəsində aşağıdakı mövzu istiqamətləri üzrə müzakirələr aparılacaqdır.
- Musiqi ənənələrində qoruyucu mexanizmlər və funksional sistemlər
- Musiqi ənənəsi mədəni mənsubiyyətin nişanı və rəmzi kimi
- Etnomuisiqişünaslıqda müasir tədqiqat yanaşmaları
- Milli musiqi ənənələri və müasir bəstəkar yaradıcılığının qarşılıqlı əlaqələri
- Eklektik (hibrid, simbiotik) musiqi janr və üslublarında yenilənmə potensialı və multikultural mahiyyəti
Konfransın keçiriləcəyi hər iki gündə yerli və xarici musiqiçilərin konsert proqramı ilə çıxışı nəzərdə tutulur.