Azərbaycan Milli Кonservatoriyasında bir -birindən maraqlı konsert proqramlarına start verilir. AMK -nın aparıcı kafedraları silslilə konsertlər təqdim etməkdə davam edəcəklər.Noyabr ayı Zəfər Bayramı, Bayraq Günü kimi əlamətdar günlərlə yanaşı sevimli Rektor, Xalq artisti Siyavuş Kəriminin 70 illik yubileyi ilə bizim üçün əlamətdardır. Bu baxımdan bayram konsertləri davam edir.Beləliklə ilk konsertimiz :Azərbaycan Milli Konservatoriyasının ürəyi olan orkestrləri özündə birləşdirən Dirijorluq kafedrasının Siyavuş Kəriminin 70 illik Yubileyinə həsr olunmuş “Sənət Dolu Ömür” adlı Konserti keçirilib. Konsertdə “Milli Avaz”, “Uğur” xor kollektivləri, “Şəms-Qəmər” Kamera xoru, “Ariflər” , “Buta” orkestrləri iştirak ediblər. Bədii rəhbər Dirijorluq kafedrasının müdiri, dosent Leyla Zaliyeva. “Şəms-Qəmər” kamera xoru : Tofiq Quliyevin “İmprovizə” , “Neftçilər” əsərlərini ifa edib.Xormeysterlər – Tamam Əliyeva , İnarə Atakişiyeva, konsertmeyster – Aslan Məmmədov.”Buta” Orkestri, Lalə Əhmədova “Sənət dolu ömür” , Cahangir Cahangirov “Zərif gülüşü”, “Şirvan şikəstəsi” əsərlərini ifa edib.Solistlər – Nurəddin Tağıyev ( kamança) , Qədirli Orxan ( balaban) Xanəndə – Ülkər Abdullayeva.Dirijor Aysel Bağırova, konsertmeyster Zərrin Muradova. “Milli Avaz” xor kollektivi Əşrəf Abbasov “Qarabağın qızları” ( qızların xoru). Üzeyir Hacibəyli – “Kəndlilər” (oğlanların xoru), Vasif Adigözəlov “Natəvan” operasından xor “Ah bu gecə”. Siyavuş Kərimi “Möcüzələr adası”. Xormeyster – Aytən Aslanova, Konsertmeyster – Vüsalə Əsgərova.”Ariflər” orkestri,Həsən Rzayev, “Cahargah” Rapsodiyası,Siyavuş Kərimi “Ömrümün istəyi”,
“Qarabağ şikəstəsi” əsərlərini ifa edib. Dirijor Arif Məhərrəmov, konsertmeyster Cəlal Səmədov.”Uğur” xor kollektivi, Ramiz Mirişli “Azərbaycan Dünyam mənim”, Aqşin Əlizadə “Odlar yurdunun səsi” Şahid Əbdülkərimov “Bala gəlin”. Siyavuş Kərimi “Himn”. Xormeyster – Gülay Mahmudov, konsertmeyster Gülsüm Salmanov.
Solistlər – Günel Əsədova, Rauf Cəfərov, Elşən Məmmədov, Əli Məhərrəmzadə, Tacir Alxanov, Ayxan Mahmudov .Bu günki konsert bir -birindən əvəzsiz musiqi əsərləri ilə zəngin bir hesabat konsertidir. Konsertin sonunda çıxış edən Rektor, Xalq artisti Siyavuş Kərimi əməyi keçən hər bir kəsə təşəkkür etməklə yanaşı, istedadlı tələbələri ilə qürur duyduğunu dilə gətirib. Həmişə fəxr etdiyi Dirijorluq kafedrası, bədii rəhbər , dosent Leyla Zalıyeva başda olmaqla tələbələrdən ibarət xor kollektivlərinə və dirijorlar Aysel Bağırova, Arif Məhərrəmova təşəkkür edib, xor və orkestrləri bu uğurlu hesabat konserti münasibəti ilə təbrik edib.Qeyd etməliyik ki, tədbirdə Siyavuş Kəriminin xor və orkestrlərlə gördüyü birgə işlər barədə kiçik, çox maraqlı film də nümayiş olunub. Konsert səmimi və gözəl notlarda başa çatıb.
