9 oktyabrda Azərbaycan Milli Konservatoriyasının Fikrət Əmirov adına zalında Əməkdar İncəsənət xadimi, “Musiqinin tarixi və nəzəriyyəsi” kafedrasının müdiri, Sənətşünaslıq üzrə fəlsəfə doktoru, professor Akif Quliyevin 70 illik yubileyi təntənəli qeyd olunub. Tədbirdə Azərbaycan Milli Konservatoriyasının rektoru Siyavuş Kərimi, idarə heyəti, Əməkdar elm xadimi, Tibb elmləri doktoru, professor İbadulla Ağayev, Millət vəkili Vüqar Bayramov, Azərbaycan Respublikasının Prezidenti yanında Dövlət İdarəçilik Akademiyasının rektoru Akademik Urxan Ələkbərov və digər qonaqlar, professor və müəllim heyəti, tələbələr iştirak edib. Professor Akif Quliyevin elmi və pedaqoji fəaliyyəti haqqında məruzəni Sənətşünaslıq üzrə fəlsəfə doktoru, AMK-nın professoru, bu yaxınlarda Azərbaycan Bəstəkarlar İttifaqı tərəfindən təqdim olunmuş “Akif Quliyev” adlı kitabçanın müəllifi Leyla Quliyeva çixiş edib, Kafedranın müəllimi Türkən Musayeva Özçelik də Akif Quliyevə həsr olunmuş yeni kitabını öz təbrikində təqdim edib.
Ardından Yubiley tədbiri Konsert proqramı ilə davam edib.
Xalq artisti Alim Qasımov, Əməkdar artist , prezident təqaüdçüsü, Populyar musiqi və caz kafedrasının müdiri Emil Əfrasiyab, Xalq Artisti Zabit Nəbizadə, Əməkdar artist Gülüstan Əliyeva, Populyar musiqi və caz kafedrasının IV kurs tələbəsi Hüseyn Əliyev maraqlı ifaları ilə zövq oxşayıb.
AMK ailəsi adından yubilyarı Tələbə Gəncılər təşkilatı, sədr Ayxan İmanov təbrik videosu ilə, Həmkarlar təşkilatının sədri Hicran Hacızadə fəxri diplom və mükafatla təbrik edib.
Qeyd etməliyik ki, Azərbaycan Milli Konservatoriyasının rektoru, Xalq artisti Siyavuş Kəriminin təşəbbüsü ilə silsilə yubiley tədbirləri keçirilir.
Bu ömrün yarıdan çox hissəsini elmə, musiqiyə, sənətə həsr edən əməkdaşlarımıza qarşı tükənməz qayğı və hörməti izah edir.
AMK ailəsi bu gün də bir dəyərli musiqişünasın 70 illik yubileyini qeyd etdi.
Sonda söz Azərbaycan Milli Konservatoriyasının rektoru, Xalq artisti Siyavuş Kərimiyə verilib. O, AMK-nın fəxri döş nişanını yubilyara təqdim edib. Konsert proqramının aparıcısı : Müslüm Maqomayev adına Azərbaycan Dövlət Akademik Filarmoniyasının aparıcısı,
musiqişunas Əliyeva Səmray olub.
Biz də öz növbəmizdə Azərbaycan Milli Konservatoriyasının “Musiqi tarixi və nəzəriyyəsi” Kafedrasının müdiri, Əməkdar incəsənət xadimi, professor Akif Quliyevi 70 illik yubileyi münasibəti ilə təbrik edirik. Yaradıcılıq uğurları Diləyirik.
